علقت الإعلامية ياسمين عز، عبر برنامجها كلام الناس، المذاع على شاشة قنوات mbc مصر، على واقعة الاعتداء على أطفال مدرسة السلام، التي هزت حديث مواقع التواصل الاجتماعي المختلفة، مشيرة إلى قهرة قلبها واصابتها بالحزن الكبير بسبب هؤلاء الأطفال.
ياسمين عز تعلق على واقعة الاعتداء على أطفال مدرسة السلام
وقالت ياسمين عز في تصريحات رصدها موقع تحيا مصر: الموضوع قاهر قلبي وحارق دمي وأنا مش أمهم.. ما بالك الأم اللي عيالها حصل فيهم ده.
وتابعت حديثها، قائلة: مفيش حد عنده ذمة ولا دين أخد باله من حاجة غريبة في الأطفال دي؟ خربشه في وشه تعب ارهاق، خوف، علامة اللزقة اللي على بوقه.. طفل بيختفي نص ساعة وانتوا مش شايفنهم؟.. لا انتم شوفتوا وغمضتوا عينيكم، اكيد ناس من الأهالي اللي حولوا لعيالهم منهم حالات اعتداء بس متكلموش وسكتوا وخدوا بعضهم ومشيو، مفيش حد عارف ربنا اتكلم ومش هقول شايف شغله عشان المعظم مبقاش شايف شغله.
ياسمين عز عن لـ والدة طفلة الإسماعيلية: ربيتلني قاتل
هذا وكانت ياسمين عز سبق وعلقت على طفل الإسماعيلية المتسبب في قتل صديقه وتقطيعه، موجهة رسالة حادة لوالدته، قائلة: لو كنتي بتنضفي اوضة ابنك كنتي شوفتي دم ولا شميتي ريحة، ازاي مخدتيش بالك، ولا انتي مبتنضفيش؟، ربيته ازاي؟ عملتي اي خليتي طفل يطلع يقتل صديقه ويعمل جزء منه استيك؟، طب مشتمتيش ريحة غريبة في المطبخ؟ ولا مش بتدخلي المطبخ كمان .
وتابعت: المفروض يبقى عندنا قانون يعاقب الأهالي اللي مبتربيش عيالها، انتي طلعتلنا قاتل في المجتمع يا مدام، كنتي فين من الحكاية دي كلها؟، ومحدش يقولي متأثر بالافلام كلنا بنتفرج على الأفلام، في عقد نفسية ورا الموضوع ده.
تفاصيل برنامج كلام الناس
يذكر أن برنامج كلام الناس يعرض من الخميس إلى الأحد وذلك في تمام الساعة السادسة مساء ويناقش العمل العديد من القضايا الهامة التي تثير الجدل على مواقع التواصل الاجتماعي المختلفة، فضلا عن استضافة عدد من نجوم الفن والشخصيات الشهيرة، ويحقق العمل نجاحات كبيرة خلال فترة عرضه.
0 تعليق