تحدث هيثم شعبان المدير الفني السابق لفريق طلائع الجيش عن مشاركة منتخب مصر الثاني في بطولة كأس العرب، التي تقام حاليا بقطر. 

وقال شعبان، في تصريحات مع سهام صالح لبرنامج الكلاسيكو على قناة أون: “حلمي طولان اسم كبير وكلنا بنتعلم منه، لكن التجربة دي كانت المفروض يكون مدرب شاب ولاعبين شباب.. زي حمزة عبدالكريم أو المنتخب الأوليمبي بجوار اللاعبين أصحاب الخبرات”. 

وأضاف: “لازم ندعم كابتن حلمي طولان وكل الاختيارات دي طالما هو الاختيار، ومفيش منتخب دلوقتي بقى سهل الكل بقى منتخب بيجمع مجنسين أو لاعبين محترفين”. 

وتابع: “قطة وقع من المنتخبين وهو يستحق أنه يكون موجود لأنه من أبرز اللاعبين في الدوري، كان لابد من الانضمام للمنتخب الأول أو الثاني”. 

وأردف: “مفيش لاعيب في مصر معندوش مشكلة في التأسيس، فيه لاعبية كبيرة مش عندها أساسيات كرة القدم، وزيزو في بداياته كان عنده مشكلة لكن دلوقتي نضج”.