حرصت الإعلامية ياسمين عز على الدفاع عن منى زكي وفيلم الست، وذلك بعد تعرضه لانتقادات كبير بمجرد طرح البرومو التسويقي للعمل، وأيضا الدفاع عن الكاتب أحمد مراد بعد تصريحه الأخيرة "لو رسول كل هيبقى أسهل"، مشيرا إلى أن الجمهور يريد أي خطأ للنجوم والفنانين.
ياسمين عز: ازاي تحكم على عمل ضخم عمله هيئة الترفيه من برومو؟
قالت ياسمين عز في تصريحات رصدها موقع تحيا مصر: أول ما تم طرح برومو الست الدنيا قامت ، في ناس معينة كدة احنا عارفينهم بيهاجموا أي حاجة قبل عرضها ويشتموا، ازاي تحكم على عمل ضخم وكبير وبيتحضرله بقاله كتير من برومو؟، هل فيه فيلم فيه كل الأسماء دي بميزانية ضخمة ومؤسسة كبيرة زي هيئة الترفيه هيفوتهم أن كل حاجة تبقى ماشية مظبوطة وبالملي؟
وتابعت: البرومو أظهر أم كلثوم زي الحقيقية ومنى زكي ظهرت بشكل احترافي، هي ست محترمة وممثلة عظيمة ولازم نقول رأينا فيها بأدب.. ولما نجيب حد يمثل أم كلثوم لازم تكون هي، مش هنجيب اسمهان مثلا؟
ياسمين عز تدافع عن أحمد مراد
وبشأن تصريح أحمد مراد على هامش ندوته في مهرجان مراكش، والذي قال فيه "لو بعمل فيلم عن رسول هيبقى أسهل"، قالت ياسمين عز: "أحمد مراد قال في ندوة كلمة فيما معناها كناية تعرفوا معنى الكناية والاستعارة المكنية.. زي ماتقول لمراتك لو الدنيا اتهدت مش هطلقك وتطلقها بعدين.. كلمة بتتقال زي أي حد وأم كلثوم بشر لحم ودم زينا وهو كاتب عبقري بنمسك ليه الأخطاء.. استنى شوف الفيلم وأحكم".
يذكر أنه سبق ورد أحمد مراد على منتقدي فيلم الست، قائلا: خلينا نشوف انت تعرف أم كلثوم طولها اد ايه احنا منعرفش أم كلثوم الحقيقية احنا مش بنعمل تمثال شمع ما ممكن أنا ألبس وش وأعمل أم كلثوم وخلاص، اللعبة ان احنا محتاجين منى زكي محتاجينهغا تمثل عشان تأدي وتعمل مشاعر وده مالوش علاقة بالشكل طب هل الناس شافت الشكل طلع ازاي، خلونا نتفرج ونشوف.
تفاصيل فيلم الست
فيلم الست من بطولة منى زكي إلى جانب محمد فراج، وأحمد خالد صالح، وتامر نبيل، وسيد رجب، بالإضافة إلى مشاركة عدد من الفنانين كضيوف شرف، أبرزهم كريم عبد العزيز، وأحمد حلمي، وعمرو سعد، ونيللي كريم، وأمينة خليل، ومن المقرر أن يتم عرض العمل في السينمات المصرية والعربية بداية من يوم 10 من شهر ديسمبر.
0 تعليق