تحدث المطرب الشعبي عمر كمال، عن العديد من الأسرار عن حياته الشخصية والفنية، وذلك خلال لقائه في برنامج الحكاية مع الإعلامي عمرو أديب.

تصريحات عمر كمال 

وقال المطرب عمر كمال، في بداية لقائه ببرنامج الحكاية، مع الإعلامي عمر أديب، وفقا لما رصده موقع تحيا مصر:  كل خمس سنين بسأل نفسي أنا فين وبقول وبعدين؟.. مبحبش مثل صاحب بالين كداب لو تعرف تعمل أكتر من حاجة في وقت واحد اعمل

وسأل عمرو أديب عمر كمال: صوتك فيه من محمد فؤاد، ليجيب عليه عمر كمال: فيا من محمد فؤاد لكن مش بقلده، أنا من مدرسته ومش عيب اتأثر بيه.. لو بقلد فؤاد مش هجرب شعبي ولا مهرجانات هفضل ماشي وراه وخلاص، وغنائي لألبوم محمد فؤاد، كان  رزق وجالي بالصدفة وهو الي رفضه أنا مروحتش خطفته.. وغيرت فيه كتير.

ألبوم عمر كمال الجديد

وتابع عمر كمال: بغني في ألبومي الجديد أغنية من بتاعة محمد فؤاد وتمسكت بيها.. هي أغنية متتسابش، وحمو بيكا قال عمر كمال عدى وعامل ألبوم مكلف 6 مليون جنيه ومش هيعرفنا تاني والليثي وشاكوش شجعوني.

وكان  المطرب عمر كمال، قد كشف عن تفاصيل ألبومه الجديد والذي يحمل إسم عمر كمال الرهان كسبان، وقال في تصريحات له: كنت محظوظ أني تعاونت مع ناس لها اسمها ونجاحها الكبير زي تامر حسين وعزيز الشافعي ومدين ومصطفى العسال وتوما ورامي جمال.. ناس كتير جدا الحمد لله ربنا كرمني وحققت حلمي أني اشتغلت معاهم.

وتابع: لما نزلت صوري مع صناع ألبومي الجديد الناس قالت سقطة في تاريخهم ليه مش أنا بني آدم ومن حقي أجرب، دي ناس سوية وشبعانة شهرة ونجاح وفلوس مفيش أي حاجة تجبرهم يشتغلوا معايا إلا لو شايفين فيا حاجة كويسة.

وأضاف في تصريحتاته: في نجوم كنت بطمح أني أعمل معاهم دويتوهات وشبه الاتفاق حصل وبعد كده رفضوا.. أنا مبسوط وده إداني تحدي أكبر وهثبت لهم أنهم على غلط وأني استحق.

آخر أعمال المطرب عمر كمال

وكانت آخر اعمال المطرب عمر كمال، هي أغنية يا محروقين، التي تم طرحها خلال الفترة الماضية وحققت نجاحا كبيرا بين الجمهور.