تحدث المخرج ومدير التصوير مازن المتجول عن افتتاح المتحف المصري الكبير، وعن كواليس المشروع مع مدير التصوير والمخرج أحمد المرسي، وعن الصعوبات التي واجهتهم في التحضيرات. 

وفي بداية حديثه أكد أنه كان جزء صغير جدا من هذا الحدث وكان في فريق عمل كبير جدا أكثر من الالف شخص، وكان هناك اجتماعات كتير واشتغلنا على الحدث من قبلها بـ 9 شهور.

مازن المتجول يكشف كواليس احتفالية افتتاح المتحف المصرى الكبير 

وقال تجربتي في مشروع مثل المتحف المصري الكبير فيها ضغط كبير لأن الجمهور عنده توقعات كبيرة من وقت احتفال موكب المومياوات، وكان من اصعب الاشياء التصوير خارج مصر صورنا تقريبا في 8 دول صورنا بلد في كل قارة.

وأضاف مازن المتجول: الموضوع كان صعب عشان بنسافر كل بلد بندربهم على مقطوعه مصرية عاملها هشام نزية ولازم يحفظوا الموسيقى، ووزارة الخارجية ساعدتنا جدا وقفلنا الكبري في فرنسا وباريس لمدة 12 ساعه عشان نعمل عليه الأوركسترا، وصورنا في اليابان في معبد متصورش فيه نهائيا قبل كده بدعم من وزارة الخارجية المصرية والحكومة اليابانية.

وتحدث مازن المتجول عن التعاون بينه وبين احمد المرسي، وأوضح: اشتغلنا مع بعض قبل كده في مواكب المومياوات ونجحنا مع بعض فيه ودي تاني مرة نتعاون مع بعض وكنا مقسمين الشغل ما بينا بشكل منطقي وكنا بنتناقش في كل حاجه عشان الموضوع يكون مظبوط.

وعن تعاونه هو والمرسي مع المنتج محمد السعدي، أوضح المتجول: الاشراف العام كان مع المنتج محمد السعدي وشركه المتحدة وكان في شركات إنتاج كتير جدا، وكان في مخرجين ومديرين تصوير كتير جدا عشان كنا عايزين نغطي كل الآثار التاريخية في مصر على مدار تاريخ مصر في كل العصور، كنا بنصور مصر  من اول جنوبها تحت لغايه اسكندرية والبحر المتوسط.

واستكمل المتجول حديثه: صورنا كل المسلات المصرية اللي في العالم عشان نوري للناس اثارنا اللي في كل مكان ودي كانت تجربة صعبة

أما بالنسبة للتصوير في مصر، قال المتجول: خلينا الممثلين وأبطال الرياضة مصطفين وكانهم يستقبلوا ضيوف المتحف دي كانت فقرة لها اثر فني كبير.