تحدث الفنانة سماح أنور، عن حقيقة قولها مبروك، عند وفاة الفنانة معالي زايد، مشيرة إلى انها كانت تقصد بذلك انتقالها لمكان أفضل من الدنيا.

سماح أنور تتحدث عن قولها مبروك عند وفاة معالي زايد

وقالت الفنانة سماح أنور، عن قولها كلمة مبروك عند وفاة الفنانة معالي زايد، وفقا لما رصده موقع تحيا مصر، خلال لقاء لها سابق: قلت مبروك بعد وفاة معالي زايد، ومبروك دي كانت على مكان أحسن، وانها بجوار الله ومش هتكون بتعاني من مرض او إهانة او عدم تقدير، لان احنا متمسكين بالدنيا والدنيا مش لذيذة اوي للدرجة دي.

وتابعت:  وانا الوحيدة اللي كنت صديقة لـ معالي في أخر سنتين من حياتها والوحيدة اللي كنت مقربة منها عشان كده كنت اعرف كلامها كويس  وكنت بسمع شكوتها وهي كان عندها كانسر، وهي كانت منعزلة لأنها كانت بعيدة.

تصريحات سماح أنور

وفي وقت سابق كشفت الفنانة سماح أنور، خلال تصريحات لها، إن معظم الرجال لا تكفيهم امرأة واحدة، مبررة ذلك بأن الإنسان بطبعه يمل، والرجل بطبيعته ملول جسديًا.

وقالت سماح أنور خلال تصريحات لبرنامج أسرار النجوم: مرأة واحدة لا تكفي بالنسبة لمعظم الرجال، لأن الإنسان بطبعه بيمل، والراجل ملول جسديا، وعلى المستوى الشخصي والنفسي مش عايز كلام كتير، والست بتحب تتكلم عشان تعبر عن مشاعرها.

أشارت: لما بيمل جسديا، بيروح لواحدة تانية خالص عشان يهرب من الكلام.. الست اللي في إيدها الراجل، ربنا عاملها هي اللي بتعرف في العواطف والاستقرار، لأن عندها القدرة على الاحتواء.

وقالت الفنانة سماح أنور، أن أسرتها لم تفرق بينها وبين شقيقها يوما، قائلة: جابوله موتوسيكل وجابولي موتوسيكل عشان نروح بيه المدرسة، مشيرة أنها في صغرها كانت تتمنى أن تكون رجلا، قائلة: عشان أبقى حرة أكتر، ولو كنت راجل كنت هبقى جنتل مان.. وكنت بقول ليه يارب مخلقتنيش راجل.

آخر أعمال الفنانة سماح أنور 

والجدير بالذكر أن آخر اعمال الفنانة سماح أنور، هو مشاركتها في مسلسل كتالوج، بطولة الفنانة ريهام عبد الغفور، والفنان محمد فراج، والذي تم عرضه خلال الفترة الماضية.