حرصت الفنانة نشوى مصطفى، على الإشادة ببرنامج دولة التلاوة، وبرنامج كاستينج، اللذان يتم عرضهما حاليا، عبر شاشات المتحدة، مشيرة بإعجابها الشديد بالمواهب الشباب المشاركة في العمل.

نشوى مصطفى تشيد ببرنامج دولة التلاوة وكاستينج

وكتبت الفنانة نشوى مصطفى، منشورا، تشيد فيه ببرنامج دولة التلاوة وكاستينج، وفقا لما رصده موقع تحيا مصر، وذلك عبر صفحتها الرسمية على موقع التواصل الاجتماعي فيسبوك: هو أنا بقيت برا الدنيا ولا الدعاية للبرامج الهايلة دي مش كفاية، بالصدفة اتكعبلت فى برنامج رائع اسمه كاستينج، شوفت الأستاذ الجواهرجي خالد جلال والملحن الشاب إيهاب عبدالواحد بيستقبلوا مواهب لتقديمها للساحة، إيه الجمال ده؟ إيه الشباب المبدعين دي؟ حاجة تفرح، موهبة وثقافة وحضور.

وأضافت: مصر جميلة دائما بولادها والله، مصر ولادّة، دولة التلاوة، وبرنامج كاستنج من أروع ما يتمّ تقديمه وهيّ دي ملامح مصر الحقيقية.

نشوى مصطفى توجه رسالة مؤثرة لزوجها الراحل

وكانت الفنانة نشوى مصطفة قد وجهت رسالة إلى زوجها الراحل، معبرة عن اشتياقها الشديد له، حيث نشرت صورة له عبر حسابها على فيسبوك، معلقة عليها: الله يرحمك ويسعدك ويراضيك يا نور عينيه، عارف يا عماد امبارح أخويا بيقولى أنتى كنتى مهمومة وبتراعى وواخدة بالك مننا كلنا، وابيه عماد هو الوحيد اللي كان مهموم وواخد باله منك وبيراعيكى ومهتم بيكى.

وتابعت: يا عماد أنت كنت رزقى الكبير ورزقى انقطع أنت كنت سندى وضهرى وسترى أنت كنت اطمئنان قلبى أنت كنت سرى كنت باجرى عليك اشتكي لك وتصبرنى اسألك وتفهمنى كنت أبويا ودلوقتى أنا اتيتمت مش هكذب عليك أنا بأمثل إنى عايشة قلبى مغروس فيه خنجر وروحى مصلوبة فوق محرقة.

نشوى مصطفى لـ زوجها: نار فراقك بتزيد كل يوم

واختتمت رسالتها إلى زوجها الراحل، قائلة: نار فراقك بتزيد كل ما الوقت بيعدى مش بتقل، خدعتنى ومشيت بسرعة، بينا كلام لسه مخلصش، بينا أحلام لولادنا وأحفادنا لسه ما اتحققتش، أنت موجود قدام عينيه طول الوقت وصوتك فى ودانى، ادعى لى يا حبيبى، يارب امتى اللقا، اللي بيحب ربنا يدعى لحبيبى بالرحمة ويدعى لى بالصبر ويدعى لولادى بالصبر والثبات.