كشفت الفنانة الشابة ياسمينا العبد عن تفاصيل من حياتها الخاصة، وتحديدًا حالة والدها الصحية بعد إصابته بمرض سرطان البنكرياس خلال استضافتها ببرنامج «ABtalks» مع الإعلامي أنس بوخش.
ياسمينا العبد تكشف تفاصيل حالة والدها الصحية
وقالت ياسمينا العبد: "علاقتي بماما وبابا كويسة جدًا وقريبة من الاتنين، وعلاقتي بأبويا خاصة أوي وأنا بموت فيه ولو عملت إشعة على قلبي هتلاقي صورة أبويا طِلعت، على عكسي أنا وماما بنقعد ناخد وندي مع بعض في الكلام، لكن أبويا لو بصي لي نظرة إنه متضايق مني أنا ممكن منمش وميبقاش عايز يقول أنه متضايق، وهو بيحب يفضفض لي ويحكي لي حاجات عن حياته، وأنا بصوره كتير من غير ما ياخد باله وببقى عاوزة احتفظ بالذكريات دي وأوريها لعيالي وبحترمه بشكل مش عادي".
وتابعت ياسمينا العبد: “بابا جاله سرطان بنكرياس في 2014 وهو كويس دلوقتي الحمدلله، الدكتورة قالت إنه هيخف بنسبة 2%، وكان سرطان البنكرياس عنده في مرحلة متقدمة وداخل على الدرجة الرابعة، ماما قابلت جراح وقال هنعمل العملية يا إما يصحى أو مش هيصحى، وعمل بعدها 7 عمليات لحد ما اتحسن”.
0 تعليق