كشفت د.سهير العطار، أستاذة الطب بجامعة القاهرة وبطلة العالم في السباحة جانبًا من حياتها الشخصية، مؤكدة أنها نشأت في بيت بسيط لكن مليء بالتشجيع والإصرار:"والدي ووالدتي مكانوش رياضيين، لكن كانوا مؤمنين إن الرياضة مهمة ولازم نلعب من وإحنا صغيرين، وكانوا بيعملوا مجهود جامد علشان يشجعونا ويدخلونا المجال ده". 

أضافت العطار خلال لقائها ببرنامج «ست ستات» المذاع على قناة DMC أن والدها كان مهندسًا بارعًا ومن أوائل من أدخلوا فكرة تكييف الهواء إلى مصر:"بابا كان معيد في الجامعة وبعد كده استقال لما صاحبه عرض عليه فكرة التكييف، وكان معاه المهندسين الطاهري وأنور العطار، ودول أول مجموعة بدأت المشروع في مصر، وكنت دايما أقول لصحابي لما الجو يحرر اقرأوا الفاتحة لبابا اللي دخل التكييف البلد". 

وتابعت بطلة العالم حديثها عن بدايتها في السباحة:“أنا بدأت السباحة من نفسي، محدش وجّهني، بس كنت بحب الميه جدا، ولما دخلت المجال لقيت نفسي فيه، والرياضة كانت سبب في تكويني كشخص وكدكتورة، لأنها علمتني الالتزام والتحدي والإصرار”.