أشار المخرج رامي إمام خلال لقائه في برنامج ET بالعربي إلى موقفه من الفيلم المنتظر شمس الزناتي، موضحًا أن العمل لا يمت بصلة للفيلم الأصلي الذي قدمه والده الزعيم عادل إمام عام 1991.
رامي إمام عن فيلم شمس الزناتي: مش لازم أنا أكون المخرج
وقال رامي إمام فس تصريحاته التي يرصدها موقع تحيا مصر: الفيلم ملوش علاقة بشمس الزناتي القديم.. هو بيتناول ما قبل شمس الزناتي وهو صغير، وطبعًا كان يسعدني إن أنا أكون المخرج، لكن الحمد لله في مخرج دلوقتي في العمل، ومش لازم أكون المخرج، وأنا مع التجربة دي بس على أساس إنها تتعمل بشكل صح ويكون فيها تجديد.
وأضاف رامي أنه يعمل حاليًا على مشروع سينمائي جديد يحمل اسم البحث عن فضيحة، وهو إعادة لفيلم والده الشهير الذي قُدم عام 1973، موضحًا: بحاول أشتغل عليه لعرضه في 2026، وده هيكون نفس القصة لكن مع محاولة تجديد فكرة الشباب اللي موجود النهاردة، والممثلين اللي هيشاركوا في الفيلم هيكونوا مفاجأة.
رامي إمام: الزعيم لا يتابع السوشيال ميديا
وعن والده الزعيم عادل إمام، قال رامي إن حب الجمهور له مستمر بقوة، مضيفًا: إحنا بنشوف حب الناس للزعيم كل يوم في الشارع وفي كل مكان أنا بمشي فيه، مش بس ساعة ما ظهر في الفرح.. الناس بتدعيله، وهو قارئ ومطلع على طول، وإحنا بنوصله اللي حاصل في السوشيال ميديا لأنه معندوش وقت يقرأ اللي بيحصل هناك.
وتأتي تصريحات رامي إمام لتوضح موقفه الشخصي ورؤيته حول المشروعات الفنية المرتبطة بتاريخ والده الفني، مع إبراز اهتمامه بتقديم أعمال تجدد قصص الماضي بما يناسب جمهور اليوم.
رسالة رامي إمام لجمهوره
وسبق وأن وجه المخرج رامي إمام، رسالة لجمهوره ومحبيه، يعبر فيها عن اشتياقه الشديد لهم وافتقداهم، والتفاعل معهم عبر صفحته على موقع على الانستجرام.
وأعرب المخرج رامي إمام، عن اشتياقه للجمهور، ورغبته في التفاعل معهم، وفقا لما رصده موقع تحيا مصر، في فيديو عبر صفحته الرسمية على موقع التواصل الاجتماعي فيسبوك قائلا: مساء الفل على حضراتكم، يارب تكون بخير وسعادة، عايز أعترف بحاجة انا بفتقد جدا الوقت اللي بكون فيه موجود على الانستجرام، وأعتراف أكبر من كده اني بفتقد حضراتكن في الوقت اللي انا بشتغل فيه، وبفعد افكر اعمل ايه عاوز اقعد على الانستجرام، بس اقول أخلص الاول بمزاج وبعدها أرجع بليل اتكلم مع حضراتكم طول الوقت بس ساعات الشغل بياخد كل الوقت.
0 تعليق