علقت الإعلامية آية جمال الدين، على فشل العلاقات بسبب الشكليات، قائلة:" الجوازات اللي بتبوظ زي الملامح والطول ما بيكونش ده السبب الحقيقي إطلاقا، لكن بيكون مبرر لأسباب تانية أعمق، زي إنه مش حاسس بانجذاب كفاية أو مش مرتاح بدون ما يبقى عنده سبب مادي قادر إنه يوصفه، فبيدور على تفاصيل تانية بتكون سهل عليه تبريرها "

وأضافت الإعلامية آية جمال الدين خلال تقديمها برنامج "ست ستات" المذاع عبر قناة dmc، أن العلاقات الإنسانية أعمق بكثير من مجرد الشكل، معقبة:" مش معقول حد يبوظ جوازة عشان واحدة بتشرب قهوة، هو سبب كوميدي وراه سبب أعمق ممكن يكون غير قبول ناحية الطرف الآخر، ومش حاسس إن ده الطرف إللي ممن يكمل معاه حياته، فبيخترع أسباب لو موجودة في شخص بيحبه هيقبلها واحتمال كبير كمان إنه ميكونش شايفها، لأن مراية الحب عامية".