يستعد بيت الشعر العربي، بإدارة الشاعر سامح محجوب، لإطلاق الدورة الثانية من "ملتقى بيت الشعر العربى للنص الجديد"، وذلك خلال يومى 2 و3 مايو، فى إطار استكمال التجربة التى حققت حضورًا لافتًا فى المشهد الثقافى خلال دورتها الأولى.
شيلي إيدك .. لـ محمود درويش
شيلى ايدك .. ولا مش سامعة
ما تطبطبيش على ضهر شمعة
سيبى اللى راح منك يروح
عندى الدموع الدمعة تنزل تمسح الدمعة
حقى انى اعيش الجملة حرف بحرف
والتشكيلات ما بقتش لزمانى
كان ياما ببكى و ما أتهز فيكى طرف
سيبتى السكوت يرسم بأحزانى
والعنكبوت خيطه فرقبتى اتلف
سبته ... و بشاهد فيلم احزانى
كداب لكنى ضربت كف بكف
حضنك قتلنى و شوكه غوّانى
والعند عندى الجرح عنده بألف
كل أما يكسر ضلع قوّانى
شلت الورود الحمرا و ازرع حلف
و ببيع سنينى يوم ورا التانى
ما اتبقاليش من كل شئ غالى
غير اللى متبقى فالقعر مالآخر
انا كنت راضى بحُب مين جالى
كان كاس وفاضي شربته للآخر
وشربته متأخر
يمكن سطلنى عشان
كان عقلى متبخر
الكاس خفيف .. و كل يوم بيشف
متشال على لسانك .. وعلى الحضور بيلف
كل الجروح تتلف ... جرحى الوحيد يتزف
كل اما روحى تخف عقلى يخف
خلى الكلام يطلع
و المعنى فيه محبوس
قول للعبيط يسمع
بليد بيدى دروس
شيلى ايدك ... الشمعة اهه بتنطفى
و يا دار ما دخلك شر
كل الظهور يختفي
و كفاية كر و فر
و شيلى ايدك
0 تعليق