انتقد الإعلامي مصطفى بكري ما وصفه بحالة الهجوم الممنهج على السوشيال ميديا، متابعًا: بقيت كل لما أفتح أي وسيلة من السوشيال ميديا بحس إن البلد وقعت.. إيه اللي بيحصل ده؟!".

لما الرئيس السيسي قال مصر أم الدنيا وهتبقى أد الدنيا.. استغربنا وقولنا ازاي؟

وأضاف “بكري” خلال تقديمه  برنامج “حقائق وأسرار” على قناة صدى البلد"، فاكرين لما الرئيس السيسي قال إن مصر أم الدنيا وهتبقى أد الدنيا.. استغربنا وقولنا ازاي واحنا بتحكمنا جماعة إرهابية تريد تفتيت الصف الوطني، وتسعى إلى طمس هوية هذا الوطن وإثارة الفتنة فيه.

وواصل بكري: كنا بنقول امتا هنخلص.. وخلصنا ورجعنا بلدنا وبدأنا نشوف قائد وطني مننا، عايز يبني البلد ويكافح الإرهاب، وتحدى مشاكل وأزمات عديدة ونجا من محاولات اغتيال ونضف سينا من الإرهاب.

الظروف صعبة والوضع صعب لكن عندنا أمن واستقرار في البلد

وأضاف: الظروف صعبة والوضع صعب، لكن عندنا أمن واستقرار في البلد، احنا بلد عاشت ظروف وواجهت تحديات وضحت وحررت أرض، لا يجب أن نسمح لأحد بالتآمر على البلد.