استعاد الفنان تامر حسني، ذكرياته مع النجمة شيرين عبد الوهاب، والتي حقق معها نجاحا كبيرا بأغنياتهما سويًا في بداية مشوارهما الفني.

تحية من القلب لأسطورة الإنتاج المصري والعربي

وكتب تامر حسني عبر حسابه الرسمي على فيس بوك: يلا اتفضلوا كلموني عن ذكرياتكم مع الألبوم التاريخي ده، ألبوم تامر وشيرين، للي مش عارف، دي كانت بدايتي أنا وشيرين، وده أول ألبوم لينا كان كل واحد فينا مغني نص الألبوم 4 أغاني لوحده وأغنيتين بيجمعونا مع بعض، زي "لو خايفة" و"لو كنت نسيت".

وتابع: طبعًا تحية من القلب للشخص اللي من مصر كلها والعالم العربي كله اختار من بينهم تامر حسني وشيرين عبد الوهاب، عشان يقدمهم في ألبوم واحد الأستاذ نصر محروس، أسطورة الإنتاج المصري والعربي، مين فيكوا بقى حضر الوقت ده أو سمع عنه؟، واللي هيقولي مكنتش اتولدت، يا ريت يقولها بشكل أفضل من كده.