حرصت الفنانة لبلبة على الاعراب عن سعادتها وفخرها بـ حفل افتتاح المتحف المصري الكبير، والذي أقيم في مساء أمس السبت، موجهة الشكر إلى الرئيس عبد الفتاح السيسى على توصيل معنى مصر والحضارة إلى العالم.

لبلبة بعد افتتاح المتحف المصري الكبير: شيء مبهر وفخر لبلدلنا 

وقالت لبلبة في فيديو رصده موقع تحيا مصر على حسابه الرسمي بموقع تبادل الصور والفيديوهات انستجرام:  اتفرجت على افتتاح المتحف المصري الكبير في امريكا.. شيء مبهر وفخر لبلدنا.. خلي الدنيا كلها تشوف مصر وحضارة مصر .. شكرا للرئيس عبد الفتاح السيسي أنه أتاح لينا الفرصة وللعالم كله انهم يشوفوا يعني ايه مصر.

وكانت لبلبة قد قالت في تصريح سابق لـ تحيا مصر: كل الكلام اللي هقوله مش هيكفي فرحتي بالحدث ده.. دي حاجة عظيمة.. حاسة اني هبكي لأني مش هبقى موجودة في الافتتاح بس هبقى حريصة اني أتابعه على التليفزيون لانه حدث ميتفوتش، أول حاجة هعملها لما أنزل مصر هتكون زيارة المتحف، إحنا محظوظين بمصر وكله بيحسدنا عليها برة .. ربنا يخليلنا رئيسنا عبد الفتاح السيسي ويديله الصحة لانه رافع راسنا دايما.

ازمة لبلبة وإلهام شاهين

يذكر أن لبلبة كانت قد تصدرت التريند بعد حضورها ندوة يسرا في مهرجان الجونة السينمائي الدولي بدورته الثامنة، حيث ظهرت وهي تتحدث عن يسرا، وعلى جانب آخر يوجد إلهام شاهين وهالة صدقي وهم يضحكان، ليظن الجمهور أن الثنائي تضحكن على لبلبة، ولكن أوضحت الهام شاهين الأمر، قائلة: "الموضوع ملهوش علاقة بـ لبلبة ولا يسرا خالص.. أنا كنت عايزة ادخل الحمام وبقول لهالة صدقي قالتلي ده بعيد اوي استني خلاص الندوة هتخلص.. وبطريقة مضحكة قالت اعمليها مكانك وخلاص، فأنا شاورت لـ يسرا قولتلها خلصي عشان عايزة ادخل الحمام مكنتش قادرة.

وتابعت: معرفش ليه الناس بتاخد الموضوع بالطريقة دي وبيتصيدلنا الأخطاء طول الوقت، وعلى رأي المثل حبيبك يبلعلك الظلط وعدوك يتمنالك الغلط، احنا الفنانين متماسكين جدا وأصحاب ونبحب بعض ومحدش هيقدر يوقع بينا أبدا، هما ملقوش عندنا أخطاء فبيخلقولنا غلط.

أول ظهور لـ لبلبة مع إلهام شاهين بعد تلك الأزمة 

وظهر الثنائى أمس في فيديو أثناء احتفالهم سويا ورفق ة نجوم الفن الاخرين بـ افتتاح المتحف المصري الكبير، حيث ظهرت لبلبة وهي ترقص أثناء عرض الاحتفالية.