أكد الرئيس عبد الفتاح السيسي، رئيس الجمهورية والقائد الأعلى للقوات المسلحة، أن تجربة نصر أكتوبر ليست مجرد حكاية تاريخية تروى، بل هي واقع مليء بالألم والتحدي عاشه المصريون بكل ما فيه من قسوة وأمل، مشيرًا إلى أن النصر لم يكن ممكنًا إلا بـ"كرم من الله وإرادته".

وقال الرئيس خلال كلمته في فعاليات الندوة التثقيفية الـ42 للقوات المسلحة، والتي أُقيمت احتفالًا بذكرى نصر أكتوبر:"في فرق بين إنك تسمع عن الحكاية.. وإنك تعيشها بكل تفاصيلها وألمها من أول أكتوبر لحد يوم النصر.
والله، اللي حصل دا كان كرم من ربنا.. إنه يُقدّر إننا نعدي على خير، وربنا أراد النصر."

"يد الله كانت مع مصر".. رسالة إيمان وسط التحديات

وفي رسالة مؤثرة تعكس إيمان الرئيس العميق، قال:"ربنا هو اللي حفظ البلد دي، رغم عدد السكان الكبير، والظروف الصعبة اللي مرّينا بيها.
ووسط كل ده، كانت يد الله مع مصر.. تسندها وتحفظها.
وإحنا لازم نشكر ربنا على ده، عشان يكمل معانا الرحلة ويساعدنا أكتر."

مصر لم تسقط.. رغم التوقعات بحرب أهلية

أوضح الرئيس أن هناك من راهن على سقوط الدولة المصرية، وخاصة في السنوات العشر الأخيرة، حين توقع البعض أن البلاد ستنزلق إلى حرب أهلية، لكنه شدد على أن إرادة الله حالت دون ذلك:"في ناس قالت البلد دي هتدخل في حرب أهلية.. لكن ربنا أراد لها إنها تقوم وتقف على رجليها.
ورغم صعوبات كتير، الدولة المصرية ما وقعتش، وده من رحمة ربنا."

الجيش والشرطة والشعب.. كلنا مصريون

كما أكد الرئيس السيسي على وحدة مؤسسات الدولة المصرية في مواجهة التحديات، قائلاً:"الجيش، والشرطة، وكل مؤسسات الدولة.. كلنا واحد، وكلنا مصريين.
واللي يعرف ربنا بجد، ما يعملش في بلده كده، ما يخربش.. ولا يتمنى الأذى لبلده."

نصر أكتوبر ليس فقط معركة عسكرية.. بل ملحمة إيمانية

وأكد على أن نصر أكتوبر لم يكن مجرد انتصار بالسلاح، بل كان دليلًا على الإيمان، والصبر، والتضحية، وقال:"اللي حصل مش بس معركة عسكرية، دا كان اختبار إيمان، وربنا كتب لنا النصر.
وكل خطوة بنمشيها لقدّام، هي استمرار للملحمة دي.. ولسه ربنا بيكرمنا."