علقت الفنانة فريدة سيف النصر على ظهور الفنانين على تطبيق الفيديوهات الشهير تيك توك، وطالبت نقيب المهن التمثيلية دكتور أشرف زكي بإيقاف ظهورهم على هذا التطبيق، وعبرت عن غضبها من ذلك في منشور عبر حسابها على فيسبوك.
فريدة سيف النصر تنفعل بسبب الفنانين على تيك توك: ملعونة الفلوس اللي توطي النفوس
كتبت فريدة سيف النصر عبر حسابها الشخصي على موقع التواصل الاجتماعي فيسبوك والذي يرصده موقع تحيا مصر: “كلام مهم لكل المحترمين.. الناس اللي قلبوها تسول على اللايفات في منصات لها العجب.. كل قذارات الدنيا منشورة دول مايجوش مليون دي مش مصر ملعونة الفلوس اللي توطي النفوس”.
وتابعت حديثها عن نجوم الفن وظهورهم على تيك توك قائلة: “الزملاء بقى الكارثة المصيبة في اللي عندهم شهرة وفلوس وكل حاجة وبيقللوا من نفسهم في فيديوهات رخيصة كلها حركات وايماءات وقرف فين النقيب يادكتور أشرف الفنان الأصيل لو هايجوع مابيقللش من نفسه وكرامته ولا يخللي اللحمة معروضة بره الجزارة كل الذباب واقف عليها وكتير خدوا كتير واشتروا بلاوي احنا فين هنا كده ماينفعش علشان لما أي جنسية تانية تتطاول وتعمل فيها الأنظاف مايبقاش معهم حق احنا فقط اللي قلبناها تسول وسفالة وعرض رخيص ولا بلد تانية زينا تفوقنا وكل اللي كسبوا ملايين هايندفنوا بلا حتى مخدة سرير.”
فريدة سيف النصر ترد على مخرج العتاولة بعد وصفها بـ “السامة”
كانت واجهت فريدة سيف النصر أزمة الفترة الماضية مع مخرج مسلسل العتاولة أحمد خالد موسى بعدما وقع خلاف بينهما بسبب انتهاء دورها بشكل مفاجئ وعدم مشاركتها في الموسم الثاني على الرغم من نجاح شخصيتها في الموسم الأول، وبعد حديث مخرج المسلسل عنها ردت فريدة سيف النصر قائلة: “توصل لسامه لا طبعا ربنا مايجيبش حاجه وحشه ابدا وبالعكس أنا كنت بحبك زي فيفي مابتقول الله يكرمها بوقفتها وكلامها عنك حقيقي ماحدش يكرهك كتر خيركم، وليه الحياه بسيطه وبتخلص بالراحه اللي عايز حاجه ياخدها كله بيخلص.. طيب يااستاذ.. تعالي نتفق علي حاجه..المسلسل نسيته من بعد مامشيت خلاص بس الزملاء والبرامج والمواقع هما اللي ليسالوا علي السامه ادمنوني.. بص انسي يااستاذ وجودي اصلا معاكم وانت فعلا ناسيني كا شريك اول معاكم بكل حبي ماعلينا.. انساني وحياة حبيبك النبي..مش كل شويه مواضيع.”
آخر أعمال فريدة سيف النصر
يعد مسلسل العتاولة آخر أعمال فريدة سيف النصر ولاقى نجاح واسع وقت عرضه كما قدمت شخصية مختلفة عنها نالت إشادات واسعة، وشارك في بطولته أحمد السقا، طارق لطفي، باسم سمرة، صلاح عبد الله، مي كساب، زينة وآخرين.
