حكاية بار "الشيخ علي" فى الإسكندرية وحقيقة تأديته مناسك الحج

على طرفي نقيض، يقبع في الإسكندرية، عروس البحر المتوسط، واحد من أشهر الحانات، ألا وهو “بار الشيخ علي”، فما أصل تسميته، وما حقيقة تأدية مالكه ــ الشيخ علي ــ مناسك الحج؟.

حكاية بار "الشيخ علي" وحقيقة تأديته مناسك الحج.. ما القصة  
 

القصة كما كشفها حكاء الإسكندرية الكبير، الكاتب الروائي مصطفى نصر، عبر منشور له بحسابه الخاص في موقع التواصل الاجتماعي فيسبوك، أشار خلالها إلي، تعرفه علي “عمرو” حفيد الشيخ علي، مالك أشهر بارات الإسكندرية، ألا وهو بار الشيخ علي. 

يقول نصر في منشوره: "تعرفت اليوم على شخصية إسكندرانية تحفة جدًا، الأستاذ عمرو الشيخ علي، حفيد الشيخ علي صاحب أقدم بارات الإسكندرية الكائن بحي المنشية العريق، أكد لي جميع المعلومات التي كنت قد كونتها عن البار، فعلًا البار تأسس سنة 1909 على إيد خواجة يوناني، وبعد النكسة رحل اليونانيين من الإسكندرية واستولى عليه جده علي ده.

أصل تسمية “بار الشيخ علي” أشهر بارات الإسكندرية 

وأضاف الروائي مصطفي نصر: أكد لي ــ عمرو الشيخ علي ــ كمان إن جده علي ولا شيخ ولا حاجة بس لإنه رجل مسلم متدين فطري زيه زي بقية أهل الإسكندرية كان بيقفل البار يوم الجمعة احترامًا لليوم المبارك عند المسلمين، فقام زباين المحل أتريقوا عليه وقالولك ده "علي" استشيخ فيها فأطلقوا عليه الشيخ علي وبكده مطعم الكاب دور اليوناني العتيق، بقى اسمه الشعبي بار الشيخ علي.

 وتابع: وكمان فرجني على الصور القديمة للشيخ علي وزباينه واحتفالاتهم في رأس السنة وقالي إن معظم زباينه بيجو زيي من القاهرة ويقعدوا في البار ده، وقالي كمان أنه بيحرص دايمًا على تشغيل أغاني مغنين اسكندرية الخواجات بتوع زمان زي اليوناني ديمس روسوس والفرنسي جورج موستاكي، ده في الفترة من 8 مساءا لــ 12 منتصف الليل، أما من 12 لــ 2 صباحا يحبوا يشغلوا موسيقى شرقي بتعتمد على مقامات فيها التلات تربع تون زي الراست والبيات، وأم كلثوم في أغلب الوقت بتكون بطلة الفقرة دي، أما من 2 لحد قبل أدان الفجر بساعة بيجي حد من آلاتية إسكندرية يعزف على آلته وغالبًا بيكون العود بطل الفترة دي، الحقيقة زباين البار سواء الشباب أو الكبار وحتى أصحابه كلهم ناس بيقدسوا السعادة والانبساط وكل حاجة حلوة وجميلة، عمار يا اسكندرية".