أثارت الفنانة دنيا سامي جدلا كبيرا خلال الساعات الماضية، بعد ظهورها كضيفة في حلقة أمس، من برنامج “صاحبة السعادة” مع الفنانة والاعلامية اسعاد يونس، وذلك بسبب تصريحاتها الجريئة حول أزمة تعرضها للتنمر من الفنان مصطفى غريب.
وشن الجمهور هجوما على الفنان مصطفى غريب بعد تصريحات دنيا سامي، مما دفعها للرد عبر مواقع التواصل الاجتماعي وعلقت: “بالنسبه للبوستات المنتشره اللى مشيره حلقتى مع أستاذة إسعاد يونس اللى أنا بقول فيها إن مصطفى غريب بيتريق عليا وبيقول عليا وحشه وده طبعًا جاب لمصطفى الكلام والشتيمه.. أولًا شكرًا على دفاعكم عني بس أنا اصلًا مش زعلانة من حاجة وأنا ومصطفى صحاب ودفعة واحدة واحنا الاتنين اتمرمطنا زى بعض وأنا كنت بحكي ده بهزار لأني عارفه اني قمر”.
وأضافت: “مصطفى غريب ده أقرب وأجدع وأطيب بنى آدم فى حياتى وحياة كل صحابه ولو قعدت اتكلم عليه من هنا لـ 100 سنة مش هيكفي والله قد إيه هو ضهري في الحياة.. واللى أنا قولته فى البرنامج على اللى مصطفى بيقوله عليا.. ده هزار بين أى صحاب فى أى شلة وأنا الحمدلله معنديش عقد ومش حتى عندى عقد ومش عارفه ومش عندى عقد هتظهر بعد كده..هو بجد مفيش حاجه واصلًا لو كملتوا باقى الحلقة مع أستاذة إسعاد هتعرفو اننا مسكناه تريقة وتقطيع أكتر من اللى هو بيهزر فيه معايا بكتير”.
واختتمت : “ولو سمحتوا محدش فى الدنيا يشتم مصطفى غريب غيري”.
وتصدَّر اسم الفنانة الشابة دنيا سامي تريند جوجل ومواقع التواصل الاجتماعي المختلفة خلال الساعات الماضية، عقب حلولها ضيفة على برنامج "صاحبة السعادة" من تقديم الفنانة إسعاد يونس.
وكشفت دنيا سامي، خلال الحلقة، عن العديد من الأسرار في حياتها الفنية والشخصية، وكيف دخلت عالم الفن، بالإضافة غلى علاقتها بالفنان مصطفى غريب، كما وجَّهت نصيحة للفتيات خلال الحلقة.
